82. hərdən orda-burda, qohumda, tanışda bilişdə tələbə uşaqları görürəm, heyfim gəlir. öz-özümə deyirəm ki ala gül kimi uşaqdı allah bilir içində nə potensiallar var amma çox universitetdə dərslər nə qədər sıxıcı keçilir deyə kəşf olunmurlar. enerjiləri sömrülür. bir az demaqoqluq kimi görünür amma ona görə harda imkan olsa çalışıram məsləhətlər verim vallah. ciddi-ciddi ürəyim yanır.
hansı universitetdə oxumağınızdan asılı olmayaraq ixtisasınızı yaxşı öyrənməyə çalışın. təbii ki ixtisasınızı sevirsizsə. sevmirsizsə universitetinizin dərslərini yola verə bilirsizsə, sevdiyiniz ixtisas nədisə o barədə bir şeylər eləməyə çalışın.
əgər oxuduğunuz ixtisas çox şaxəlidisə çox tezliklə hansı yöndə getməyinizi dəqiqləşdirməlisiniz. elə 1-ci kursda. araşdırma aparmalısız, soraqlaşmalısız. məsələn, əgər bir it (bax: informasiya texnologiyaları)

tələbəsinizsə hansı yönə getməyinizi müəyyənləşdirməlisiz.
başqa ixtisasları deyə bilmərəm amma texniki ixtisaslarda təhsil alırsınızsa (mühəndislik və s.) və əgər "əşi diplomu alım hələ görüm nolur, işdə öyrənərəm də. onsuz da işi işdə öyrənərlər. praktika edə-edə" fikrindəsinizsə təcili olaraq bu ideyanı unudun və ixtisasınızı yaxşı öyrənməyə çalışın. çünki elə şey olmur. universitetlə kifayətlənmədən, kənardan bir şeylər qoparmağa çalışın. bütün günü oxuyun demirəma amma ən azından internetdən həmin ixtisas üzrə işləyən insanları araşdıra bilərsiniz və ya müsahibələrinə baxa bilərsiz. özünüzdə ixtisas barədə həvəs yaradın ki davamı da gəlsin. qalanı da vaxtınızı bölməyi inkişaf elətdirin. istirahətə, gəzib kef eləməyə də əlbəttə vaxt ayırın. son olaraq da sevgidi-mevgidi belə şeylərə görə problem olanda darıxıb, özünüzü yıpratmayın. elə şeylər hələ qarşıda çox olacaq, gənclər. insanların əksəriyyətinin universitet həyatından sonra həyat tərzləri, baxış bucaqları elə dəyişir ki təsəvvür edə bilmərsiz. əsas da iş mühitində. bu 4-5 il cavanlığınızı həm özünüzü inkişaf elətdirib özünüzə və cəmiyyətə yararlı bir insan olmaq üçün və həm də deyib-gülmək üstündə qurmağa çalışın.